பரலோக விசா

விரும்பும் ஒரு நாட்டினை
விசிட்செய்ய ஆசைப்பட்டு
விதிமுறைகளுக்கு உட்பட்டு
விசாவேண்டி விண்ணப்பித்தோம்

விண்ணப்பிக்க அறியாமல் 
விழிபிதுங்கி அங்குமிங்கும்
புரோக்கருக்கு அலையாமல்
அனைத்துமே ஆன்லைன்தான்

கப்சிப்பென கச்சிதமாய்
விண்ணப்பத்தை பூர்த்திசெய்தோம்
அப்படியே ஆன்லைனில்
அக்கறையாய் அனுப்பிவைத்தோம்

இண்டர்வியூவும் வந்தது
எதிர்பார்ப்பும் கூடியது
நடைமுறையெல்லாம் நடந்தது
நிராகரிப்பில் முடிந்தது

காரணமென்ன கூறவில்லை
தெரியும்வரை நகரவில்லை
தெரிந்துகொண்டோம் காரணத்தை
அதிகாரியின் விளக்கத்தை

உள்ளதை உள்ளபடி
கூறினாலும் குற்றமாம்
கொடுப்பதும் மறுப்பதும்
அதிகாரியின் முடிவுதானாம்

மீண்டும் இதை விண்ணப்பிக்க
வாய்ப்பு மட்டுமே உள்ளது
கிடைக்குமென்ற உத்தரவாதம்
அவருமே தருவதாயில்லை

என்செய்வோம் இப்போது,
ஏனிந்த புறக்கணிப்பு?
மீள்பார்வை செய்துகொண்டோம்
இயல்புக்கு மீண்டுவந்தோம்

மறுமுறை எப்படி நடக்கவேண்டும்
அனைவரின் கருத்தையும் ஏற்கவேண்டும்
நம்மையும் ஆயத்தப்படுத்த வேண்டும்
வாய்ப்பினை வரும்போது பறிக்கவேண்டும்

ஆசிக்கும் பரலோக நாட்டிற்கு
விசாவழங்கும் அதிகாரி
வந்துசேரும் வேளையிலே
தந்திடுவாரோ நம்கையில்?

விரும்பும் நாட்டினை விசிட்செய்ய
வாய்க்காத வாய்ப்புக்கே வருத்தமே
நிலையாய் வாழும் நாட்டிற்கு
வாய்ப்பு நழுவினால் என்செய்வாய்?

மறுத்தால் எதும் வாய்ப்புண்டா
மறுமுறையாகிலும் முடிந்திடுமா
ஒருமுறை தானே வருவாரே
உறுதிசெய்வீர் தவறாதே!

- with Diana Pethuru & Steve Hudson on 12.05.2015 @ US Embassy in Kuwait.